برجك اليوم

 أبراج الأحد17مارس2019 
القمر بكرا بكون ببرج الأسد

 الحمل

يوم بيدعمك بالحظ والعاطفة والشغل بكرا ..
تطورات ايجابية لهاليوم عندك وعم يكون في تحسن خلال مجريات النهار تحصل على فرصتك ويكون الحظ داعم الك لتلاقي شغل او تبدا بقصة جديدة وبتقضي وقت ممتع وبتنشغل بقصة بتخص الأطفال ..
♡ عاطفيا : يوم منيح عاطفيا يمكن تتلقى اتصال من حبيب قديم وتكون جاذبيتك عالية ..
■النسبة المئوية :
●مهنيا : %81 ●ماليا : %82 ●عاطفيا : %89 ●صحيا : %80

 الثور

مواضيع بالبيت ماعم تخليك مرتاح لهاليوم ..
عم تعاني من قصص بالبيت ومسؤولية العيلة عليك صار بدك حلول ومشغول بحدا من أهلك وهالشي عم يخليك تفكر تغير سكنك لهيك خليك هادي وحل الأمور بهدوء قدر الأمكان هاليوم ..
♡ عاطفيا : وضعك العاطفي منيح لكن عم يكون في كتير قصص بتخليك ضايج بجو البيت ..
■النسبة المئوية :
●مهنيا : %65 ●ماليا : %68 ●عاطفيا : %64 ●صحيا : %62

 الجوزاء

بتحل أمور عندك وبكون في تواصل ونجاح ..
أمورك جيدة وعم يكون يومك أفضل من غير ايام في فرصة لسفر قصير وبتكتر عندك الاتصالات مشان هيك حاول تدفع بمصالحك وتلتقي ناس بساعدوك وبتكون مقنع برايك وانتبه من الحوادث بهاليوم ..
♡ عاطفيا : عم يكون حضورك مميز استغل هالشي وحسن جو العلاقة واتقرب من الشريك ..
■النسبة المئوية :
●مهنيا : %77 ●ماليا : %70 ●عاطفيا : %72 ●صحيا : %75

 السرطان

عم تبيع وتشتري تقبض وتدفع وهيك يومك ..
يوم بدو حسابات مالية وبينحصر اهتمامك غالبا بكرا بامورك الشغل فعم تعيد حساباتك ببعض المواضيع ممكن تكون عم تدفع وتصرف زيادة لازم تنتبه وكمان بيجيك مبلغ مالي كنت ناطرو وفي شغل جديد كمان ..
♡ عاطفيا : حاول تضل بعيد عن الناس بعلاقتك لان كلام الناس بضرك …
■النسبة المئوية :
●مهنيا : %67 ●ماليا : %77 ●عاطفيا : %75 ●صحيا : %71

 الأسد

وضعك بيتغير وبكون عندك حلول ومال ..
عم تقدر تفرض حالك من جديد وتستعيد مكانتك وبترجع تسيطر على الامور تدريجيا بتكون ساحر بحضورك بين الكل وبتكون كلمتك مسموعة وبتعزز وضعك حاول تنطلق وماتلتفت للماضي وفكر بمشروع جديد ..
♡ عاطفيا : الوضع العاطفي عندك متقلب وبحاجة لحسم منك والافضل تفكر ببكرا ..
■النسبة المئوية :
●مهنيا : %92 ●ماليا : %84 ●عاطفيا : %88 ●صحيا : %86

 العذراء   

ماعم تكون راضي عن شي وقصة بتكركبك ..
في تأجيل عندك و يمكن ماعم ترتاح لوضعك العام ومدايق وحاسس بجمود بوضعك المهني والعاطفة وانو ماحدا عم يصدق معك الكل عم يخذلك هي أفكار مؤقتة لاتخاف المهم تفائل وفترة وبيتغير وضعك ..
♡ عاطفيا : انت عم تضيع حالك مع اشخاص اقل من مستواك فكر منيح قبل ما تبلش اي علاقة ..
■النسبة المئوية :
●مهنيا : %58 ●ماليا : %66 ●عاطفيا : %64 ●صحيا : %60

 الميزان

تطور بعلاقاتك وبتلتقي شخص بتحبو ..
يوم منيح للعلاقات ويومك مدعوم بكترة الاصدقاء يلي بتكون حدك فيه وكمان عم يكون في لقاء مع شخص غالي على قلبك بعزيمة او مشوار وهالشي بحسن نفسيتك المهم لاتبقى لحالك بكرا واطلب مساعدة ..
♡ عاطفيا : وضعك العاطفي منيح وخاصة انو جاذبيتك عالية بهي الفترة ..
■النسبة المئوية :
●مهنيا : %77 ●ماليا : %74 ●عاطفيا : %71 ●صحيا : %68

 العقرب

عندك لقاء مهم واختبار شغل الك ..
كون منتبه لتصرفاتك العين عليك وكتار عم يراقبو تصرفاتك مشان هيك بدي متك تهدى وتكون دقيق بشغلك وما تتسرع باي قرار وانتبه من تشويه سمعتك من المقربين ولاتخالف القوانين وتجنب المسؤولين ..
♡ عاطفيا : انت محتار بعلاقتك ويمكن بدك تخلص كل شي ولازم تفكر منيح قبل ماتاخد قرار بهيك وقت بعلاقتك ..
■النسبة المئوية :
●مهنيا : %69 ●ماليا : %66 ●عاطفيا : %70 ●صحيا : %65

 القوس

تطورات حلوة بلقاءات وأشخاص وسفر ..
من الأيام الداعمة عندك وعم تكون مميز وتقدر تتواصل بشكل افضل مع محيطك المحيط الخارجي الك وعم يكون عندك اصدقاء جدد واتصالات بعيدة واحتمال كبير الببعض يسافر ويحل مشاكل عالقة ..
♡ عاطفيا : وضعك العاطفي بيشهد تطوات حلوة بتخليه يلاقي حلول وحب جديد ممكن ..
■النسبة المئوية :
●مهنيا : %87 ●ماليا : %80 ●عاطفيا : %84 ●صحيا : %81

 الجدي

عم يكون عندك تطورات مالية وحلول ونجاح ..
بتخلص من مرحلة تعبتك و من الأيام الصعبة يلي مرت عليك وعم تلاقي حالك بوضع أهدى قادر انك تحل مشاكلك وكمان تحصل على مال من شراكة او ميراث وفي تفكير بمصالحات مع اشخاص عندك ..
♡ عاطفيا : وضعك العاطفي عم يصير افضل نسبيا بهاليوم وممكن تتقرب من الشريك ..
■النسبة المئوية :
●مهنيا : %65 ●ماليا : %73 ●عاطفيا : %67 ●صحيا : %70

 الدلو

عندك شراكة جديدة وبتنزعج من قصة مالية ..
كتير أمور بتخليك مدايق بهاليوم والتطورات يلي ممكن تخليك مو مرتاح ومعصب وخاصة من المقربين منك مشان هيك هدي قدر الأمكان لأن المواجهة مو لصالحك وحاول تتم شراكة ولاترد على كلام الناس ..
♡ عاطفيا : وضعك العاطفي بدو شخص بيفهم اما انت حاليا ماعم تعرف من وين بدك تلاقيها ولا من وين وممكن تتم ارتباط ..
■النسبة المئوية :
●مهنيا : %61 ●ماليا : %62 ●عاطفيا : %65 ●صحيا : %58

 الحوت

عم تبدا شغل جديد نظم وقتك وانتبه من التعب وصحيا ..
حاول ترتب كل شي لأن عم يكون يومك في كتير شغل وبدك تسرع حتى تخلص كل شي بوقتو لان شغل جديد لازم تثبت حالك وتخلص الأمور الضرورية حتى مايتداركك الوقت وكمان انتبهلي صحيا وارتاح ..
♡ عاطفيا : وضعك العاطفي منيح لكن لازم الشريك يقدر ظروفك ويضل حدك بهيك فترة ..
■النسبة المئوية :
●مهنيا : %63 ●ماليا : %66 ●عاطفيا : %62 ●صحيا : %58

 الفلكي منيب الشيخ

قد يعجبك ايضا