برجك اليوم

المصدر : الفلكي منيب الشيخ

أبراج الجمعة4يناير2019
القمر ببرج القوس واخر السهرة بينتقل لبرج الجدي

الحمل

يومك حلو وعندك اخبار مهنية حلوة ..
انت بيوم داعم وعم تمر بفترات حلوة لسفر ومعارف جديدة وعم تقدر تنجح وتطلع من حالتك وتكون قريب من الكل بحضورك المميز وقدرتك على الاقناع وفي كتير احداث حلوة ناطرتك وتفكير بشغل مهم المسا ..
♡ عاطفيا : الوضع العاطفي تمام عندك لحب جديد ناطرك فكون على الموعد ..
■النسبة المئوية :
●مهنيا : %87 ●ماليا : %82 ●عاطفيا : %85 ●صحيا : %77

الثور

اجواء حلوة ومال والمسا تمام وضعك ..
انت بيوم جيد نسبيا وتطورات حلوة ناطرتك وأمور مالية وكل شي عم يكون افضل وفي مال وحلول ومصالحات وشفاء من مرض وحل لقضية قانونية واحتمال تتعرف على شخص جديد المسا ..
♡ عاطفيا : من الايام الجيدة لوقت ممتع مع الشريك فخليك متفائل فيه ..
■النسبة المئوية :
●مهنيا : %75 ●ماليا : %77 ●عاطفيا : %74 ●صحيا : %72

الجوزاء

يوم جيد لشراكات وانتبه من توترك ..
عزز علاقاتك ويوم منيح لشراكات ناطرتك حاول ول تكون قدر الامكان دبلماسي بهيك يوم وهدي بعلاقاتك مع محيطك وكمان عندك شوية توتر مشان هيك لازم تنتبه من نهاية شراكة وتكون هادي بالتعامل مع محيطك والمسا افضل وبترتاح وبتحل مشكلة ..
♡ عاطفيا : يوم جيد لتتم ارتباط فيه فخليك جاهز لكن انتبه من قصة بتخص الارتباط ..
■النسبة المئوية :
●مهنيا : %62 ●ماليا : %63 ●عاطفيا : %65 ●صحيا : %67

السرطان

يوم شغل جديد وشراكات وانتبه صحيا ..
لازم ترتاح لأن عم تدخل يوم في كتير قصص لازم تخلصها وماتتركها تتراكم عليك يمكن تكون تعبان شوي ومرهق لكن اهم شي تنظم امورك وتنتبه لصحتك وانشالله يوم جيد والمسا جيد للشراكات ..
♡ عاطفيا : من الايام يلي فيها احساس بالوحدة رغم كترة الناس يلي معك وحاول تكون متفهم ..
■النسبة المئوية :
●مهنيا : %59 ●ماليا : %61 ●عاطفيا : %66 ●صحيا : %64

الأسد

حظ وطاقة وعاطفة بهاليوم ..
تطورات حلوة على الصعيد المهني والعاطفة وكمان بتحس انو في حظ بلش يدعمك حاول تستغل هي الظروف لتحسن وضعك وتحل مشاكلك العائلية وفي اخبار حلوة ممكن تسمعها والمسا في قصة صحية ..
♡ عاطفيا : الامور العاطفية هية الافضل عندك وممكن تتم خطبة بهالفترة وترجع حب قديم ..
■النسبة المئوية :
●مهنيا : %83 ●ماليا : %80 ●عاطفيا : %85 ●صحيا : %77

العذراء

يوم حلو في اجواء بالبيت والمسا حظ وعاطفة ..
تغييرات عائلية عم تشغلك وفي امور مهنية كمان بحاجة تركيز منك ويمكن هالشهر عم تبيع او تشتري عقار وعندك موضوع بخص اهلك عم يشغلك فدير بالك واخر السهرة بتتحسن امورك وبتحل مشكلة ..
♡ عاطفيا : وضعك العاطفي بالنهار شوي تعبان لكن المسا اكيد افضل فاطمن ..
■النسبة المئوية :
●مهنيا : %67 ●ماليا : %69 ●عاطفيا : %72 ●صحيا : %63

الميزان

تطورات بسفر وقصص بالبيت فانتبه ..
اوضاعك افضل وفي اخبار حلوة ناطراك خلال النهار وفرص سفر ولقاءات حلوة وبتكون على تواصل مع ناس كتير وبتفكر تشتري سيارة او موبايل وانتبهلي من الحوادث واخر السهرة قصة عائلية عندك ..
♡ عاطفيا : عندك نهار حلو ومهم للقاءات عاطفية وعم تقدر تحل مشاكلك مع الشريك ..
■النسبة المئوية :
●مهنيا : %69 ●ماليا : %74 ●عاطفيا : %79 ●صحيا : %71

العقرب

يوم لمال ولقاءات واجواء حلوة المسا ..
تطورات حلوة على الصعيد المهني ويوم منيح لتحصل فيه على المال او تبدا شغل جديد ويكون الك مشروعك الخاص حاول تفكر بموارد جديدة ناطرتك وفي عندك نهاية السهرة اتصال بفرحك ..
♡ عاطفيا : وضعك العاطفي بحاجة اهتمام اكتر من الشريك والمسا بتكون افضل بعلاقتك ..
■النسبة المئوية :
●مهنيا : %70 ●ماليا : %79 ●عاطفيا : %75 ●صحيا : %72

القوس

من افضل الايام يلي ناطرتك هاد الشهر فحاول تستغل كل الوقت فيه وافتح صفحة جديدة وفكر بمستقبلك وقادر بهاليوم تصل لحل لمشاكلك وتطلع من التعب يلي عم تعاني منو واخر السهرة في مال عندك ..
♡ عاطفيا : الاجواء العاطفية عندك مساعدة لبداية حب جديد مشان هيك خلي قلبك مفتوح ..
■النسبة المئوية :
●مهنيا : %90 ●ماليا : %88 ●عاطفيا : %85 ●صحيا : %82

الجدي

مو مرتاح لكن المسا بتكون تمام ..
حاول تهدي بنهارك وعم تكون مدايق وفي قصص عم تحصل معك ماعم تعرف سببها وليش عم تعاكسك الدنيا بهاليوم انتبه وهدي بالنهار ومن بكرا المسا بتتحسن الامور عندك وبتوضح اكيد ..
♡ عاطفيا : حاول تكون هادي بعلاقاتك لان في عدم ارتياح بهاليوم عندك والمسا افضل ..
■النسبة المئوية :
●مهنيا : %64 ●ماليا : %66 ●عاطفيا : %70 ●صحيا : %68

الدلو

ناس حوليك بالنهار وانتبه وهدي بالسهرة ..
انت بوضع منيح بعلاقاتك وناطرتك اوقات حلوة خلال هالنهار مع رفقاتك بعزيمة او لقاءات محببة على قلبك فعزز هالشي وكون قريب من اصدقاءك وبعد عن الوحدة والمسا انتبه من قصة ممكن تعاني منها ..
♡ عاطفيا : الاجواء حلوة مع الشريك عم تدعمك بالنهار وكتير عم تكون ملفت للنظر ..
■النسبة المئوية :
●مهنيا : %65 ●ماليا : %62 ●عاطفيا : %70 ●صحيا : %61

الحوت

تطورات بالشغل وأمور مهمة ولقاء حلو المسا ..
بهاليوم الوضع العام عندك عم يشهد امور مهمة بالشغل وناطرك تطورات بحاجة انتباه لان يوم مصيري بدو تركيز كبير وعدم التهاون خاصة بلقاء المسؤولين عندك ولاتخالف القوانين والمسا افضل بلقاء حلو ..
♡ عاطفيا : من الايام المنيحة لكن بعد مااستقرت العاطفة عندك فحاول تفكر بهدوء لتحسن العلاقة ..
■النسبة المئوية :
●مهنيا : %71 ●ماليا : %73 ●عاطفيا : %77 ●صحيا : %65

 

قد يعجبك ايضا